Eiður og Eggert eru á fullu núna að taka tennur og fylgir því mikill pirringur og leiðindi ásamt hita og öllu þessu sem að fylgir!

Báðir farnir að skríða og rosa duglegir og Eiður varla að nenna því og reisir sig upp við hvað sem er núna og ætlar sér að fara labba bráðum! Fínt að byrja á því svona um 1 árs aldurinn!

Maríanna er bara alltaf voða fín stelpa, gengur vel og bara alger mömmukrús

Er samt ekki alveg að samþykkja það að vera bleyjulaus hjá henni mömmu sinni en er samt voða dugleg að pissa í kopp hjá honum pa sínum, svörin sem að ég fæ er "mamma, bara í næstu viku" !!

Aron og Gummi eru enn við sama heygarðshornið, Aron farinn að verða voða duglegur að skrifa og lesa. Og Gummi var að missa sína fyrstu tönn! Voða stoltur!

Jæja... strákarnir fóru í skoðun í morgun. Eiður er orðin 9.8 kg og 71.5 cm og Eggert er orðinn 7,5 kg og 68 cm .. báðir dafna vel og eru voða hraustir og duglegir!

Svo kíkti læknir á þá og þeir fengu sprautu greyin og læknirinn var svo ánægð með þá talaði statt og stöðugt um það hversu flottir, myndarlegir og sætir þeir væru við auðvitað að sprynga úr monti þarna hjá henni

Hún talaði þvílíkt mikið um það og við vorum alveg að rifna því að við vorum svo montin yfir litlu strákunum okkar eða stóra og litla... Eiður er trölli og Eggert er voða grannur og nettur enn

Eiður er mun duglegri í að velta sér og svona líkamlegum athöfnum og Eggert samkjaftar stundum ekki babblar alveg út í eitt stundum sem að er einstaklega kjút að hlusta á

Þeir eru enn á svefnprógrammi frá Lansa og er Eiður farin að sofa alla nóttina svo að segja en Eggert er ekki alveg að láta sér segjast og frekjast smá við þetta

En þetta kemur allt með kalda vatninu... hann er orðin mun betri en hann var og við hjúin eigum meira að segja kvöldin út af fyrir okkur núna og njótum þess að slaka á bara tvö

Allt gott að frétta héðan annars , lífið gengur sinn vanagang og við bara njótum þess sem að við höfum, lítið farið út, ekki mikið félagslíf í gangi hérna hjá okkur en við höfum sloppið út eitt og eitt kvöld

Until next time darlings... kveðjur héðan frá Eskivöllunum

Jæ ja... alveg kominn tími á að setja nýtt hérna inn ..

Við erum flutt með allt stóðið á Eskivellina í Hfj og líkar bara vel hérna í litlu nýju íbúðinni okkar..

 Tvíburarnir stækka og dafna vel en enn er svolítill munur á stærðarmunur hjá þeim.. Eiður er enn með gat á milli efri hjartahólfanna hjá honum greyinu en það er bara að bíða og vona að það muni vaxa hjá honum.

 Aron er að byrja í fyrsta bekk núna og er bara voðalega ánægður með það eins og vera ber.

Maríanna er alltaf jafn ákveðin ung dama og veit alveg hvað hún vill og reynir sitt besta til að koma því á framfæri.

Fyrstu tennurnar eru komnar hjá tvíburunum, 2 tennur hjá hvorum í neðri góm og er með því auðvitað pirringur og kláði í góm en alltaf jafn gaman þegar að þetta kemur.

 Við erum að bíða og vona að pallurinn fari að koma hérna fyrir utan hjá okkur svo að gengið geti nú leikið sér almennilega úti hjá okkur og svo að hægt sé að grilla og hafa almennilegt grillpartý hérna hjá okkur.

 Tviburarnir eru eins og eldflaugar í göngugrindunum hérna og rífa og tæta allt sem að hönd festir á og forvitnin er gífurleg og allt sem að hægt er að ná í er tekið.

Enn er verið að bíða eftir að snúra of diskur finnist svo að hægt sé að hlaða úr myndavélinni gömlu sem að fengin var að láni frá honum pa. En við setjum inn núna nokkrar myndir sem að teknar voru á símana okkar og verður fólk bara að afsaka ef að þær eru ekki alveg í bestu gæðum.

Jæja.. við bræðurnir vorum skírðir í gær það var búið að nefna okkur  með fyrri nöfnum um leið og við komum í heiminn því að mamma og pabbi vildu ekki láta kalla okkur tvíbura A og B eða lilla og lilla mann eða eitthvað þaðan af verra!

Við fengum nöfnin Eggert Snær og Eiður Snær , mamma og pabbi vildu halda saman eftirnafni á okkur tvíburunum

við vorum rosa duglegir strákar, grétum smá þegar að presturinn af engri ástæðu byrjaði bara að skvetta vatni á okkur án þess einu sinni að spyrja um leyfi... vorum auðvitað ekkert sáttir við það framferði þannig að við létum í okkur heyra takk pent en mamma og pabbi náðu að róa okkur mjög fljótt því að það er svo gott að kúra hjá þeim.

Bjarki móðurfrændi minn og Þorbjörn (Dobbi) föðurbróðir minn eru guðfeður okkar og auðvitað ætla þeir sko að kenna okkur allt á blómin og býflugurnar og hvað lífið hefur upp á að bjóða

Veislan var rosalega fín og allir svo ánægðir með nöfnin okkar

Mamma gerði skírnartertuna okkar og amma og afi og familí hjálpuðu til með veitingar og þetta var allt alveg rosalega fínt og flott. Fengum líka alveg rosalega fínar og flottar gjafir og gaman að sjá hvað allir hugsa vel til okkar bræðranna og hinna systkinanna! Við eigum sko góða að!

Allir að lokum mjög sáttir við daginn

Myndirnar úr veilsunni koma svo bráðlega inn

Jæja... Maríanna er orðin 2 ára skvísa.. hún á afmæli í dag

Rosalega er þetta allt fljótt að líða. Strákarnir fóru í skoðun í gær og auðvitað var bara gott um þá að segja enda stæltir strákar.

Eiður var orðin 5.8 kg og 58 cm og Eggert var orðinn 4,2 kg og 53 cm. Báðir hraustir og fínir strákar enda duglegir að drekka Eiður að flýta sér að verða stór að því er virðist líka

Svo er skírnin um helgina og nóg að gera hérna heima, taka til og what not!

Smá afmæliskvöldmatur í kvöld fyrir snúlluna og svo er bara stóri bró eftir, hann Aron og hann verður 6 ára þann 25. apríl

Njótið þess meðan að þið getið að hafa börnin lítil því að áður en maður veit af eru þau orðin stór og farin í skóla!

jæja, núna erum við bræðurnir að verða 8 vikna á morgun og svo á að skíra okkur þann 8.apríl og þá verða millinöfnin okkar afhjúpuð

Maríanna stóra systir er að verða 2 ára eftir viku, þann 6.apríl og svo verður Aron stóri bróðir 6 ára þann 25.apríl þau eru að verða ótrúlega stór.

Maríanna er að verða rosalega dugleg að tala og svo syngur hún allann daginn og skipar hinum fyrir, ákveðin ung dama þar á ferð

Samkvæmt nýjust vigtun vorum við bræðurnir búnir að þyngjast vel og leist lækninum bara rosalega vel á okkur. Eggert orðin 3.550 og Eiður 4.950, rosalega flottir

Við erum rosalega duglegir, Eiður brosti í fyrsta sinn þann 16. mars og hjalaði í fyrsta sinn í dag , Eggert brosti svo nokkrum dögum seinna við erum nokk samataka í þessu bræðurnir n

Núna eru mamma og pabbi bara að bíða eftir að íbúðin þeirra verði reddí svo að við familían getum flutt í okkar eigið hreiður

Annars er ekkert markvert að gerast hérna hjá okkur.. allir eru við góða heilsu og happy og við bara hinir bestu (eigum okkar móment en hver á það ekki? )

Jæja... langt síðan síðast en það hefur ekki mikið markvert verið að gerast á heimilinu síðustu vikurnar

Við erum bara heima og höfum það nice. Við bræðurnir erum alveg svakalega duglegir, stækkum ört og döfnum. Við vorum mældir á fimmtudaginn síðasta og vorum þá hvor um sig búnir að þyngjast um 600 gr. Hjúkkan hélt að þetta væri eitthvað grín næstum því og sagði að ef að hún hefði ekki verið þarna og vigtað okkur sjálf þá hefði hún ekki trúað þessu

Þannig að núna er ég Eggert orðinn 2.800 gr og Eiður brói orðinn 4.100 gr

Við eigum það til að taka okkar móment og vilja bara láta knúsast með okkur en þannig er það bara með öll börn. Maríanna systir er rosa góð við okkur og er öll að koma til að tala, er orðin rosalega dugleg og svo er hún að syngja á fullu . Hún er alltaf að strjúka okkur og kyssa og er rosalega góð við okkur.

Núna eru Aron stóri bróðir og Maríanna orðnir betri vinir og farin að leika sér saman þó auðvitað þau eigi það til að rífast því að stundum langar mann bara til að leika með sömu hlutina

Við erum svo að fara upp á spítala á morgun í skoðun og við höldum að læknarnir verði bara rosalega ánægðir með okkur því að við erum bara rosalega duglegir!

Við erum búnir að fara út að labba 2x með mömmu og pabba og okkur finnst það rosalega nice að liggja í stóra vagninum okkar og láta labba um með okkur. Mamma og pabbi taka því fegins hendi að mega fara út með okkur og labba og fá frískt loft, við getum bara ekki gert mikið af því núna því að vetur konungur ákvað að kæla hitastigið aðeins á okkur þannig að við erum bara inni þangað til að það hlýnar aðeins meira

Okkur líður best saman bræðrunum, þannig að þegar að við erum að fara sofa þá viljum við vera saman í rúminu og svo færum við okkur alveg saman og klessum okkur saman og sofum þannig.

Það þarf ekki að spyrja að því að mömmu og pabba finnst við sætustu tvíburarnir og við systkinin sætustu börnin.

Við skrifum svo meira þegar að við erum búnir að fara til læknisins og þegar að meira er búið að gerast hjá okkur

Og já .. mamma var að bæta við fleiri myndum af okkur þannig að endilega kíkiði

Jæja... þá erum við komnir í heiminn!

 Litlir tvíburabræður!

Við fæddumst þann 4.febrúar kl.2:16 og 2:28 og vorum rúmar 12 merkur og tæpar 8 merkur.

Við erum auðvitað langflottastir, soldið grannir en við verðum fljótir að vinna það upp miðað við hvað við erum nú duglegir að drekka!

Við vorum á vökudeild í 5 daga, fengum að koma heim í fyrradag.

Þar vorum við í ljósum og fengum fyrstu 2 dagana næringu í æð og vorum tengdir við eitthvað sem að mældi súrefnismettun og hjartslátt hjá okkur þar sem að við komum í heiminn 4 vikum fyrir tímann.

Það er búið að nefna okkur og heitum við Eiður og Eggert.

 Eiður er stærri en Eggert minni og kom hann seinna.

Við hefðum átt að vera mun lengur inni á vökudeild en við náðum að heilla alla þar með því hvað við vorum bara rosalega duglegir að drekka og ná okkur þannig að læknarnir sáu bara enga ástæðu til að halda okkur lengur þarna og leyfðu okkur að fara heim með mömmu og pabba!

Við erum búnir að vera ferlega værir og góðir strákar síðan að við komum heim, í nótt vöknuðum við bara á 4 tíma fresti til að fá að drekka og svo sváfum við bara inn á milli!

Svo verður sett meira inn þegar að fleiri fréttir koma af okkur!

Hér ætlum við að vera með síðu um okkur systkinin

Samanlagt erum við 5 systkinin og það elsta af okkur er að verða 6 ára gæji og við þessir yngstu erum bara að gera mömmu lítið leitt þangað til að við látum sjá okkur, erum tvíbura strákar sem að hafa það nice í bumbunni á mömmu okkar. 

Við ætlum svo að reyna að vera eins dugleg og við getum að setja inn myndir af okkur og skrifa um allt sem að er að gerast hjá okkur